B
U
C
H
I
M
U
S
I
C

BODI NO GET SENSE.

blog_1_img.jpg

BODI NO GET SENSE.

By Admin Nov 10, 2017 | ARTICLES | 0 Comment(s)


No mind bodi
No follow bodi
Hold bodi. 
Bodi no get sense
Which bodi you wan follow sef?
Bodi wey no know himself?
Bodi be like dog
Wetin you teach am,
Na him e go do. 
Play wit am small
E go scatter for ground. 
No play with bodi o
Teach bodi. 
Teach am to follow head
Na head fit lead am
Because bodi na bad leader
No let am rule
If you let bodi rule
You go enter where you no plan. 
Bodi de see?
For where?
Na eye de push am
Na mind de lead am. 
Bodi no like fire
Fire de show am pepper
But bodi fit follow eye enter fire. 
Bodi no de hear word. 
Punish bodi. 
Na him go make am strong. 
Bodi no get sense. 
Hol' am well. 
Hol' am!


Buchi.

Add Comment